6 апреля 2021

Јаҥы кирген јылдыҥ кочкор айында Чибит јуртта талдаштар
ӧдӱп, јурттыҥ јааны болуп Хряков Александр Сергеевич иштеп
баштады. Ижиниҥ турулталары керегинде айдарга эмди тура
эрте, оныҥ учун Александр Сергеевичле бойы, ижинде амаду- лары керегинде эрмек-куучын ӧткӱрдис.
- Александр Сергеевич, озо баштап бойоор керегинде куучындап
берзеер?
- Чыккан јерим Кемеровский областьта Топки кала. 1985 јылда чык- кам. Адам Хряков Сергей Васильевич орус укту кижи, бу ла Кеме- ровский областьтыҥ кижизи, энем – Мандаева Людмила Сергеевна
Чибит јурттаҥ. 1994 јылда бис билебисле Чибит јуртка кӧчкӧнис.
Мен Чибиттиҥ школында ӱренип, оны божодып, Горно-Алтайск
калада 28-чи проффесионал училищени «электрогазосварщик»
деген специальностьло божотком. Оныҥ кийнинде черӱге барып,
молјуны Хабаровский крайда эки јылга бӱдӱрип, 2005 јылда јангам.
Кийнинче «ДЭП-220» деген јол јазайтан организацияда электро- газосварщик, грейдерист болуп иштегем. Оныҥ кийнинде Чибит
јурт јеезениҥ администрациязында спорт аайынча методист болуп
алты јыл иштеп келгем. Калганчы јурттыҥ јаанын тудар талдаш- тарда туружып, јеҥӱ алып (201 ӱн), кочкор айдаҥ бери Чибит јурт
јеезениҥ јааны болуп иштейдим. Айыл-јуртту, эки бала азырайдым:
кызычак ла уулчак.
- Бис Слерди, анайда ок, јарлу спортчы деп билерис. Ол керегинде
куучындап ийген болзогор?
- Оогоштоҥ ала грек-рим кӱрешле таскадынгам. Баштапкы таска- даачым Бачимов Геннадий Юрьевич, оныҥ кийнинде Тойлонов Мерген Валерьевич таскаткан. Республикан маргаандардыҥ кӧп
катап јеҥӱчили ле призеры болгом. Кӱрештиҥ бу бӱдӱмиле спорттыҥ
узына кандидат болодым. Анайда ок, футбол ойноорын сӱӱйдим.
Бу јуукта Чибит јуртыста мини-футболло јаҥжыккан республикан
турниристи ӧткӱрдис. Бистиҥ јуртта эмдиги ӧйдӧ грек-рим кӱрешле
балдар таскадынат. Оноҥ башка футболло, волейболло командалар
бар. Кӱскиде хоккей ойнойтон коробка тудуп, хоккейдиҥ команда- зын тӧзӧӧр амаду бар.
- Чибит јуртта эҥ ле баштапкыда кандый сурактарла иштеер
деп амаду тургузып алдыгар?
- Эҥ ле тыҥ сурактар – ол клуб, детсад ла јурттыҥ ортозында
кӱрди тудары. Клуб 2003 јылда јерсилкиништеҥ улам јемирилген
кийнинеҥ ол ло аайынча туруп калган. Клуб јок болгонынаҥ улам,
јаҥы јылдыҥ байрамын тышкартында ӧткӱрип јадыбыс. Балдардыҥ
садиги кӱйӱп каларда, балдарга школдо кабинетте ӱренерге келижет.
Чибит јуртка кирип јатканында кӱрди јазаар деп сурак чыгарганынаҥ
ала 10 јылдаҥ ажа берди. Эмди тура «јазаарыс», «тударыс» ла деп
каруулар келет, је качан иштер башталары јарты јок. Бу сурактарла
мен министерстволорго, башкаруларга, аймактыҥ администраци- язына баштанулар бичип, кезиктериле туштажулар эткем. Оноҥ
до башка бӱдӱретен сурактар јуртта кӧп. Ӧй кӱч те болзо, јурттыҥ
тыш-бӱдӱмин јарандырарга ла улустыҥ јадын-јӱрӱминиҥ кемин
бийктедерге албаданып иштеер керек.